गजल

कतारमा मृत्युदण्ड सजाय सुनाइएका कुशलको मनोभावनामा आधारित गजल

                                                                                      ✍  बालकुमार फगामी मगर
                                                                                            देबिस्थान,  म्याग्दी
मृत्युदण्डको सजाय छ आमा हत्याको केसमा
अन्जानको दुर्घटनाले ज्यानै जाने भो परदेशमा

धन कमाइ परिवार पाल्ने थियो मनसाय मेरो
तर आज कालकोठरिमा छु अपराधीको भेषमा

गल्ती भयो माफी माग्छु सबै मृतक परिवारमा
आक्रोशको ज्वाला होला सबैमा यो परिवेशमा

सबैले पहल गरि मृतक परिवारलाइ मनाइदिए
फर्किन्छु आमा मृत्यु जितेर जिन्दगिको रेसमा

सक्छौ अहिल्यै सहयोग गरि दिनु सबैले मेरो
भोपर्दैन सहानुभूति पछि मेरो भग्नाअबशेषमा

( फेसबुक पेज :- एउटा बाटो बिराएको मान्छे )