देउताभिर युथ क्लबको नयाँ कार्य समिती चयन

                 देउताभिर युथ क्लब (DYC) मगरदाङ्गको नयाँ कार्य समिती चयन भएको छ। हिजो बसेको क्लब समिटीको बैठकले जीवन बुढाथोकीको अध्यक्षतामा सो समिटी चयन गरेको हो। केहि समय अगाडीदेखी नयाँ कार्य समिटी चयन गर्न बैठक बस्दा चयन हुन सकेको थिएन्। क्लबका पुर्व अध्यक्ष नबिन बुढाथोकी बिबिध कारणबस क्लबमा रहन नसके पछि उक्त कार्य समिटी चयन गरिएको हो।

क्लबको नयाँ कार्य समिटी यसप्रकार छ :
अध्यक्ष - जीवन बुदाथोकी
उपध्यक्ष - दोरन फगामी
सचिव - पर्शुराम फगामी
सह-सचिव - यबिन्द्र राना
कोषध्यक्ष - माया देवि राना
सह-कोषध्यक्ष - भिम सिउथानी

आँशुसँगै झरि गयौ

✍ स्‍मृति पुर्जा
राम्चे- ३, म्याग्दी ।

आँशुसँगै  झरि  गयौ  सायद  गहमा  तिमी छौ
चोट लाग्यो दुखी भएँ सायद बहमा तिमी छौ ।

अंधेरी नि प्यारो लाग्छ साथ पाए त्यो दिलको
शीतल दिने जुनको सायद टहटहमा तिमी छौ ।

जब चल्छ धड्कन वेसी तब आउँछ याद तिम्रो
यो मुटुको  कुना कुना  सायद  तहमा तिमी छौ ।

अग्नीमा पस्छु जँघारै तर्छु पाउँछु भने तिमीलाई
डुबी  गएँ  सागरभित्र  सायद  दहमा  तिमी छौ ।

तिमी देख्छु तब हाँस्छु,  तिमी लुक्छौ तब रुन्छु
खुसी अनि हरक्षणको सायद विरहमा तिमी छौ ।

[ साभार : बिम म्याग्दी डट् कमबाट ]

श्री गौ वोम वस्त माध्यमिक विधालयको पृष्ठभूमि

             पश्चिमान्चल विकाश क्षेत्रको धवलागिरी अन्चल अन्तर्गत पर्ने म्याग्दी जिल्लाको सदरमुकाम बेनी बजारबाट १२ कोषको दुरीमा रहेको देविस्थान गा.वि.स.को वडा नं. ६ मगरदाङ्ग गाउँमा श्री गौ वोम वस्त मा. वि. अवस्थित छ। यस विधालय स्थापना हुनुभन्दा अगाडी त्यहाँ गाई, भैसीँ चराउने भएकाले त्यस ठाउँलाई गौचरण भन्ने गरिएको र पछि गौचरणबाट "गौश्वरा" भन्ने गरिएको इतिहास पाईन्छ। यही गौश्वरा भन्ने ठाउँमा वि.सं. २०२१ सालतिर मगरदाङ्ग गाउँका समाजसेवी स्व. दलवीर फगामी र सतिमा बुढाथोकीले आफ्नो निजी जग्गा विधालय स्थापना गर्न दान स्वरुप उपलब्ध गराएपछि वि.सं. २०२२ सालमा श्री गौ प्रथमिक विधालयको स्थापना गरी औपचारिक रुपमा पठनपाठन सुरु भएको थियो। त्यसभन्दा अगाडी देविस्थान गविसकै घरिथोक गाउँको डाँडाकटेरी भन्ने ठाउँमा अस्थायी तरिकाले बाह्रखरी पढाउने गरेको इतिहास पाईन्छ। श्री गौ प्रथमिक विधालयमा बृटिश पेन्सनर स्व. खिमदल बुढथोकीले लगातर ४ वर्षसम्म विना तलब पढाउनुभएको थियो। त्यतिखेर श्री ५को सरकारबाट बार्षिक रु. ११००/- मात्र उपलब्ध हुने गरेको कुरा त्यतिबेलाका विधालयको कोषाध्यक्ष श्री दलबल सिंथानीले बताउनुभयो। यस विधालयले वि.सं. २०३७ सालमा कक्षा ३ को र वि.सं. २०४० सालमा कक्षा ४ र ५ को स्थायी स्वीकृत पाएको थियो।

सुन्तला पहेँलो भएर झर्न थाल्यो

                    म्याग्दीको देविस्थान पनि सुन्तलाको लागि पाकेट क्षेत्र मानिन्छ। मुख्य गरेर औलो क्षेत्रमा सुन्तला खेति रहेको छ। अहिले सुन्तला सबैजसो ठाउँमा लतरम्म फले तापनि खाने बेलामा पहेँलो हुँदै झर्दै गरेपछि देविस्थानका सुन्तला कृषकहरु चिन्तित बनेका छन्। सुन्तलाको एक भाग पहेँलो हुँदै झर्दै गर्न थालेपछि बोट रित्तिदै जान थालेको छ।

प्रथम 7A Side फुटबल खेल यही कार्तिक २७ देखि

                    हिन्दुहरुको दोश्रो महान पर्व शुभ दिपावलीको अवसरमा युनिटी युवा क्लव, शिवाङ्गले "प्रथम 7A Side फुटबल मेला - २०७२" आयोजना गर्ने भएको छ। सो मेला यही कार्तिक २७ गतेदेखी मंसिर ३ गतेसम्म लाग्ने युनिटी युवा क्लवले जनाएको छ। मेलामा फुटबलका साथै ताराखेल, नृत्य, छेलो, अन्ध निसान आदि खेलहरु पनि समावेस गरिएको क्लवले जनाएको छ। क्लवले नामदर्ता गर्ने अन्तिम मिति कार्तिक २६ गते साँझ ६:०० बजेसम्म तोकेको छ।

खेल र त्यसमा समावेश गरिएको पुरस्कारहरु :

१. फुटबल : 

प्रथम पुरस्कार = ६५,००० ट्रफी, मेडल र प्रमाणपत्र 

दोश्रो पुरस्कार = ३५,००० मेडल र प्रमाणपत्र

२. ताराखेल : 

प्रथम पुरस्कार = ३०,००० मेडल र प्रमाणपत्र 

दोश्रो पुरस्कार = १५,००० मेडल र प्रमाणपत्र

३. नृत्य : 

प्रथम पुरस्कार = १०,००० मेडल र प्रमाणपत्र 

दोश्रो पुरस्कार = ५,००० मेडल र प्रमाणपत्र

४. छेलो : 

प्रथम पुरस्कार = ३,००० मेडल र प्रमाणपत्र 

५. अन्ध निसान :

प्रथम पुरस्कार = १,००० मेडल र प्रमाणपत्र

हार्दिक बढाई

                         यस "मेरो देविस्थान" ब्लगका प्रमुख सम्पादक तथा निर्देशक तेजिन्द्र राना मगर लोक सेवा आयोग पश्चिमान्चल क्षेत्रीय निर्देशनालय पोखराबाट लिखित परीक्षा र अन्तर्वार्ताको आधारमा नेपाल स्वास्थ्य सेवा, हेल्थ इन्सपेक्सन समुह, सहायक पाँचौ तह, हेअ पदको लागि जिल्ला स्वास्थ्य कार्यालय म्याग्दीमा स्थायी नियुक्तिको लागि सिफारिस हुनुभएकोमा उहाँलाई हार्दिक बढाईका साथै उज्जवल भविष्यको कामना गर्दछौ।

- मेरो देविस्थान परिवार
देविस्थान, म्याग्दी।

दिनभरीको बर्षाले कृषकहरु चिन्तित

          हिजो रातीदेखि देविस्थानलगाएत देशको विभिन्न भागमा पानी पर्ने क्रम पनि जारी रहेकोले जनजीवन कष्ठकर बन्दै गएको छ। दिउँसो करिब १ बजेतिर पानी पर्ने क्रम एकछिन रोकिएपनि २ बजेतिरबाट फेरी पानी पर्ने क्रम जारी नै छ। निरन्तरको बर्षको कारण जाडो पनि बढ्दै गएको छ। त्यही निरन्तर बर्षा र जाडोका कारण जुग्जाको मालिकामा हिउँसमेट परेको छ। आज दिनभर पानी परेता पनि भोलीदेखी मौसममा सुधार आउने जल तथा मौसम विज्ञान बिभागले जनाएको छ।

देविस्थानमा अन्नबाली भित्र्याउने कार्य धमाधम हुदाँ आजको दिन अन्नबाली भित्र्याउने योजना बनाएका कृषकहरुको योजना भने सफल हुन सकेन्। हिजो रातीदेखि निरन्तर पानी परेकाले खेतमा कातेर सुकाएको धान खेतमै भिज्यो भने आज कात्ने योजना बनाएकाहरुको योजना पनि असफल भयो। एक कृषकले दु:ख पोख्दै भने-"आज धान मान्ने योजना थियो। पानी पर्नाले सबै योजना चकनाचुर भयो। अब त भिजेको धान सुक्न नि ५/६ दिन लाग्छ।"

त्यस्तै दिनभरीको पानी र चिसो मौसमका कारण विधार्थीहरु उपस्थित हुन नसक्दा आज देविस्थानका सबै विधालयहरुमा पठनपाठन हुन पनि सकेन।

फापर (Buck-wheat)

    फापरको वैज्ञानिक नाम Fagopyrum eculentum हो। यो मुख्यत हिमाली क्षेत्रमा पाईने अन्न हो। यो अन्न देविस्थानमा पनि लगाउने गर्दछन् तर देविस्थानमा यो अन्न पहिले जस्तो लगाउन छाडिसकेका छन्। फपरको फूल सेतो-सेतो खालको सुन्दर, मनै लोभ्याउने हुन्छ। देविस्थानमा फापरको ढिडो, रोटी आदि बनाएर खाने गर्दछन्।

सुन्तला

              सुन्तला एकदम लोकप्रिय फल हो। यो हरियोमा अमिलो अनि रातो हुन थालेपछि गुलियोपना बढ्दै जान्छ। यो फल देविस्थानमा पनि पाइन्छ। यहाँका मानिसहरुले घाममा बसेर सुन्तला खान खुब रुचाउँछन।

 सुन्तला मुख्य गरेर देविस्थानको तामला, गर्जरा, जुकापानी, बेर, लिटुङ्ग, लुम्सुङ्ग, तसरबाङ्ग आदी ठाउँमा पाइन्छ। हिउँदको समयमा विभिन्न ठाउँबाट सुन्तला खरिद गर्न यस ठाउँमा आउने गर्दछन्।

धमाधम अन्नबाली भित्र्याउने कार्य सुरु

               हिन्दुहरुको महान पर्व दशै र तिहारको रमझमसँगै देविस्थान गा.वि.स.को सबै गाउँ/ठाउँहरुमा धान, कोदो, भट्मासजस्ता बालीहरु भित्र्याउन किसानहरु लागिपरेका छन्। दशैको पछिल्लो दिनबाट फाट्टफुट्ट शुरु गरेका किसानहरुले अहिले आएर धमाधम अन्नबाली भित्र्याउन लागेका हुन्।

यसपटक अन्नबाली पनि राम्रो भएकोले कृषकहरुले किरा, फट्याङ्ग्रा, मुरा, असिना-पानी आदीबाट जोगाउन अहिले नै भित्र्याउन सुरु गरेका हुन्। अहिले बाली सप्रिएकोले अघिल्लो बर्षको तुलनामा बढी अन्न उब्जने कृषकहरुले दाबी गरेका छन्।

दरवाङ्ग-देविस्थान मोटरबाटो अझै सुचारु भएन्

              म्याग्दीको दरवाङ्गदेखि देविस्थानसम्म जोड्ने "दरवाङ्ग-देविस्थान मोटरबाटो" अझै सन्चालनमा आएको छैन्। दशैँ-तिहारजस्तो महत्वपुर्ण चाडपर्व नजिकिदै जाँदा समेट "दरवाङ्ग-देविस्थान मोटरबाटो समिटी"ले सडक मर्मतमा कुनै चाँसो देखाएको छैन्। उक्त मोटरबाटो निर्माण हुन नसक्नुमा भारतले गरेको नाकाबन्दीले गर्दा भएको पेट्रोलियम पदार्थको अभाव पनि प्रमुख कारण बनेको छ।

गत वर्षको चैत्र महिनाबाट मात्र सन्चालनमा आएको उक्त मोटरबाटोमा वर्षातको समयसँगै ठाउँ-ठाउँमा पहिरो गएपछि अबरुद्द बनेको सडक मर्मत नहुँदा अझै ठप्प छ। सडकको आखारिङ्गे भन्नेमा मात्र ५-६ ठाउँमा पहिरो गएको छ भने रुन्मा, मगरदाङ्ग, घरिथोक, पन्थोक र जुग्जामा पनि ठाउँ-ठाउँमा पहिरो गएपछि सडक निर्माणमर्मत र सन्चालनमा समस्या परेको हो। मोटरबाटो सन्चालनमा नआउँदा दशैँ-तिहारको अवसरमा घर फर्कने विधार्थी, लाहुरे, सहर बसाई सरेकाहरुले दु:ख व्यक्त गरेका छन्।

सरसफाई कार्यक्रम सम्पन्न

             देविस्थानको मगरदाङ्ग ५, ६ र ७ मा आउदै गरेको दशैँ-तिहारपर्वलाई लक्षित गरेर आज सरसफाई कार्यक्रम सम्पन्न भएको छ। मगरदाङ्ग गाउँ सुधार समिटीको आयोजनामा करिव २०० जनाको जतिको सहभागितामा उक्त कार्यक्रम सम्पन्न भएको छ। कार्यक्रममा भत्केका बाटो-घाटो निर्माण तथा मर्मत गर्ने, बाटोमा रहेका झारपाट, प्लास्टिकहरु टिप्ने, खानेपानीको मर्मत गर्ने लगाएतका कार्यहरु भएका थिए।

यसका साथै देविस्थान ६ मा अवस्थित श्री गौ बोम बस्त माविमा पनि दशैँ-तिहार पर्वलाई लक्षित गरि विधालय सरसफाई र लिप्पोट कार्यक्रम सम्पन्न भएको छ।

बुकमारे जलवत क्षेत्र साना सिँचाई आयोजना

           बुकमारे जलवत क्षेत्र साना सिँचाई आयोजना (Bukamare Jalawat Small Irrigation Scheme) सिँचाई आयोजना देविस्थान गा.वि.स.अन्तर्गत वडा ५,६ बुकमारे भन्ने स्थानमा पर्दछ। यस सिँचाई आयोजनाको कुल लम्बाई ७२० मिटर जति रहेको छ जसमध्ये ३२० मिटर भाग पक्कि रहेको छ। यस आयोजनाका लागी सहमति र प्लान इन्टरनेस्नलको करिब ९ लाख ४० हजारको लागत, जिल्ला कृषि बिकास कार्यालय म्याग्दी अनि स्थानिय बाँसिको जन-श्रम दान  गरि जम्मा ११,२७,४२७ को लागतमा निर्माण गरिएको थियो ।

सृजना युवा क्लब रुन्मा "A" vs न्यु देविस्थान युवा क्लब राजदाङ्ग "A" Semifinal Game (2-0)

               देउताभिर युवा क्लब मगरदाङ्गले आयोजन गरेको "बुद्धजयन्ती मेला-२०७२" को सेमि फाईनल खेल अन्तर्गत पहिलो खेल सृजना युवा क्लब रुन्मा "A" vs न्यु देविस्थान युवा क्लब राजदाङ्ग "A" बीच भएको थियो। जुन खेलमा रुन्मा "A" ले राजदाङ्ग "A"लाई २-० ले हराएको थियो। खेलको हाल्फ टाईमसम्मको खेल हेर्नु होला........।


   
                                           खेल हेर्नुहोला......

गजल

    जि. एम. दिपु देपेन्द्र
   खोलागॉऊ-५ सर्केना, रुकुम



मलाई  सानो  आफुलाई,  ठुलो ठान्छौ रे !
हामी बिचको सम्बन्ध, खुकुलो ठान्छौ रे !

भन्थ्यौ ऑखाको नानि, बनाई राख्छु सधैं
किन हो  अचेल ऑखाकै, फुलो ठान्छौ रे !

के  पसेथ्यौ  शहरमा, यो  गॉऊ  बिर्सीयौ
आज गॉऊलाई दुम्सीको, दुलो ठान्छौ रे !

अरिंगाल बनि आऊछौ होला, अब त टोक्न
सुन्दैछु  मलाई  झुसे,  बाडुलो  ठान्छौ रे !

साह्रै  सस्तिएछौ  तिमी, मायाको बजारमा
हिजो दिएको सिन्दुर आज, धुलो ठान्छौ रे !

गहुँ बाली

मेरो देविस्थान ( गजल )

   
   तेजिन्द्र राना मगर
   देविस्थान-७, म्याग्दी ।



यताउती     मुटुभरी    डुल्छ  मेरो  देविस्थान
झरणाको  छाँगाभरी   भुल्छ  मेरो देविस्थान

दांगा,  पन्थोक, जुग्जा, घरिथोक, रुन्माजस्तै
जहाँजहाँ  गए  पनि   घुल्छ  मेरो देविस्थान

आँरु  अनि नास्पतीको स्वाद कति मिठो हो
काफल,  एसेलुसँगै   फुल्छ   मेरो देविस्थान

हरीयाली   वनजंगल,   उत्तरमा  सेतो  हिमाल
धौलागिरीको मुस्कानसँगै खुल्छ मेरो देविस्थान

देउताभीरको गुफा अनि तालतलैया र झरणाहरु
पर्यटकहरुको  सत्कारमा  भुल्छ  मेरो  देविस्थान

[ २०७२-०१-२९ गते ९:०० बजे बेलुकी ]

चुत्रोको फुल

निगुरो [ Niguro ]

                            निगुरो देविस्थानको जंगल र खोलाको वरिपरी पाइने एक प्रकारको साग हो। यो उनिउँजस्तै एक प्रकारको झार हो। यो बिशेष त ओसिलो ठाउँमा पाईन्छ। यो पनि स्वास्थ्यको लागि एकदम राम्रो मानिन्छ।

जंगलमा उम्रेको निगुरो

टिपेको निगुरो

जिब्रे-साग

                जिब्रे-साग देविस्थानको अलि ओसिलो भागतिर मुख्य गरी लेकतिर पाईने निकै लोकप्रिय साग हो। यो साग मुख्य गरेर हासखोला, अर्पुङ्ग, बैरन्थान, घोप्टे, हाँजाजस्ता ओसिला ठाउँतिर बढि पाईने गर्दछ। यो साग निकै स्वादिष्त हुन्छ। साथै स्वास्थ्यको दृष्टीले पनि राम्रो साग मानिन्छ।

भुईमा उम्रेको जिब्रे-साग

हातमा लिएको एक मुठ्ठी जिब्रे-साग

देउताभीर युवा क्लब मगरदाङ्ग "A" v/s नब सिर्जना युवा क्लब रुन्मा "A" हाइलाइट

               देउताभीर युवा क्लब (DYC) ले यही बुद्धजयन्तीको आवसरमा आयोजना गरेको "बुद्धजयन्ती तथा देउताभीर मेला २०७२"को फाइनल खेल नब सिर्जना युवा क्लब रुन्मा "A" V/S देउताभीर युवा क्लब मगरदाङ्ग "A" को हाइलाइट खेल............. ।


                                                          Watch This Video

देविस्थानमा खुर्पानी पाक्न थाल्यो

                   पहिलेका बर्षहरु झै यो बर्ष पनि देविस्थानमा खुर्पानी पाक्न थालेको छ। देविस्थानको औलोदेखि लेकसम्म लतरम्म फल्ने रसिलो फल खुर्पानी गर्मीसँगै पाक्न थालेको छ। काँचो हुँदासम्म हरियो हुने यो फल पाकेपछि रातो-रातो रंग लिन्छ। यो फल खानेदेखि लिएर जाम बनाउने, रक्सी बनाउने पनि गरिन्छ। यो फल स्वास्थ्यको दृष्टिले पनि राम्रो मानिन्छ।

गौ बोमबस्त मा.वि.ले गर्‍यो एक कार्यालय सहायकको माग

                  श्री गौ बोमबस्त मा.वि. मगरदाङ्गले पास गरेको एक कार्यालय सहायकको माग गरेको छ। सो विधालयले यही जेठ १५ गते विज्ञापन गरी कम्प्युटरमा दक्ष कार्यालय सहायकको माग गरेको हो।

खेलको दशौ सेकेण्डमा गोल गर्ने डीवाईसी हार्नुका प्रमुख ५ कारणहरु

                      "बुद्धजयन्ती तथा देउताभीर मेला २०७२"मा देउताभीर युवा क्लब मगरदाङ्ग "A" निकै उत्कृष्ट टिम रहेको थियो। यही टिमले सेमिफाईनलमा तमानसँगको खेलमा पनि खेल सुरु भएको दश सेकेण्डभित्र गोल गरेको थियो। त्यस्तै गरेर फाईनल खेलमा पनि नव सृजना युवा क्लब रुन्मा "A"लाई पनि खेल सुरु भएको दश सेकेण्डभित्र गोल गर्‍यो तर दुर्भाग्यबस अन्त्यमा देउताभीर युवा क्लब मगरदाङ्ग "A" नव सृजना युवा क्लब रुन्मा "A"सँग ३-१ को हार बेहोर्नु पर्‍यो। यसरी हार बेहोर्नुका प्रमुख ५ कारणहरु निम्न छन् :

१. टिमका प्रमुख खेलाडीहरु घाईटे हुनु

उक्त खेलमा टिमका सबै खेलाडीहरु घाईटे भएका थिए। टिमका उत्कृष्ट र फुर्टिलो खेलाडी सुरेस बुढाथिकी पहिलो दिन तमानसँगको खेलामा नै घाईटे भएका थिए र पछि रुन्मासँगको खेलामा पनि पटक-पटक घाईटे भए। साथै टिमका क्याप्टेन जीवन बुढाथोकी त्यस्तै विवस पुन, तमप्रसाद फगामी, मानव सिउथानी पनि खेल्नै नसके गरी घाईटे भएका थिएभने गोलरक्षक तुलमन बुढाथोकी समेत घाईटे भएका थिए।

२ आयोजकको व्यबस्थापनमा कमजोरी

खेलको क्रममा नव सृजना युवा क्लब रुन्मा "A"का समर्थकहरु खेल लाईनलाई समेट क्रश गरि ग्राउण्डमा आएर कराउन थालेका थिए। जस्का कारण पनि देउताभीर युवा क्लब मगरदाङ्ग "A"का खेलाडीहरुको मनोबल घटेको थियो। साथै समर्थकहरुको अपशब्दका कारण पनि उनिहरुको मनोबल घटेको थियो। जस्लाई आयोजकले व्यबस्थापन गर्न सकेको थिएन्।

३. भारी बर्षा

जेठको १ गते शुक्रबार खेल अलि ढिला सुरु भएका कारण खेल सुरु लगतै बर्षा हुन सुरु भएको थियो। त्यस्तै बर्षामा पनि खेल कायमै रह्यो तर खेल १-१को बराबरीमा रोकियो र २ गते शनिबारको लागि सारियो।

पानी परेपछि दर्शकहरु

४. खेलाडीमा मुर्खताको भावना 

नव सृजना युवा क्लब रुन्मा "A"का खेलाडीहरु निकै आक्रोश र मुर्खताका साथ खेल खेलिरहेका थिए भने देउताभीर युवा क्लब मगरदाङ्ग "A"का खेलाडीहरु निकै अनुशासनका साथ खेल खेलिरहेका थिए, जस्का करण पनि देउताभीर युवा क्लब मगरदाङ्ग "A"का धेरै खेलाडीहरु घाईटे भए र खेल राम्रो हुन सकेन ।

५. आफन्तपनको भवना

देउताभीर युवा क्लब मगरदाङ्ग "A"का खेलाडी र समर्थक सम्पुर्णमा आफन्तपनको भवना थियो किनभने देउताभीर युवा क्लब मगरदाङ्ग "A"का खेलाडीहरुले नव सृजना युवा क्लब रुन्मा "A"का एकजना खेलाडीलाई पनि घाईटे बनाएन्न साथै समर्थकहरुको पनि "आफ्नै गाविसको टिम हो बरु रुन्मालाई नै जित्न दिनुपर्छ" भन्ने भावना थियो।

खेल मैदानमा उत्रिदै नव सृजना युवा क्लब रुन्मा "A"का समर्थकहरु

देउताभीर मेला सकियो : फुटबलको उपाधि रुन्मालाई

              देउताभीर युवा क्लब ले यही बुद्धजयन्तीको आवसरमा आयोजना गरेको "बुद्धजयन्ती तथा देउताभीर मेला २०७२" सम्पन्न भएको छ। उक्त मेलामा फुटबलको उपाधि नब सिर्जना युवा क्लब रुन्मा "A" ले देउताभीर युवा क्लब मगरदाङ्ग "A"लाई ३-१ को गोलले पछि पर्दै प्रथम हुन सफल भएको थियो भने घरेलु टोलि देउताभीर युवा क्लब मगरदाङ्ग "A" ले दोश्रो स्थानमा नै चित्त बुझाउनु परेको थियो। साथै फुटबल खेलमा उत्कृष्ट गोलकर्ताको उपाधि देउताभीर युवा क्लब मगरदाङ्ग ""का विवश पुन मगरले हात पारेका थिए।

नब सिर्जना युवा क्लब रुन्मा "A" VS देउताभीर युवा क्लब मगरदाङ्ग "A" फाईनल खेल आगाडी

त्यस्तै तारोखेल प्रतियोगितामा धौलागिरी तरो समिटी दर्वाङ्गले पहिलो पुरस्कार हात पारेको थियो भने नव सिर्जना युवा क्लब रुन्माले दोश्रो पुरस्कार हात परेको थियो। तारो खेल प्रतियोगितामा उत्कृष्ट खेलाडीको उपाधि लिले राना मगरलाई हात परेको थियो।

कलात थान

                        कलात थान देविस्थान गाविसअन्तर्गत वडा नं ७ मा पर्दछ। यो थान दाङ्गखोलाको बगर नजिकै अवस्थित छ। यो देविस्थानको चर्चित धार्मिक स्थलहरुमध्ये एक हो। यहाँ मन्दिर पनि रहेको छ। 

 

[ यसबारे सबै विबरण पछि राखिने छ। यदि यस थान बारे तपाईलाई थाहा भए हाम्रो ठेगानामा जानकारी दिन नभुल्नुहोला। ]

अर्पुङ्ग ताल

                          अर्पुङ्ग ताल देविस्थान गाविसअन्तर्गत मगरदाङ्ग गाउँमा पर्दछ। यो ताल अर्पुङ्ग भन्ने ठाउँमा अबस्थित छ। त्यसैले नै यो तालको नाम "अर्पुङ्ग ताल" रहन गएको हो।